2023 წლის, 10 დეკემბერს, დავით ტვილდიანის სამედიცინო უნივერსიტეტის სტუდენტთა და ახალგაზრდა მეცნიერთა სამეცნიერო ასოციაციის (SYSSA) მიერ გაიმართა ნობელის დღისადმი მიძღვნილი მე-12 ღონისძიება, რომელიც მიეძღვნა გულ-სისხლძარღვთა დაავადებებს.
გულ-სისხლძარღვთა დაავადების სიხშირე მზარდია, მიუხედავად სამედიცინო მიღწევებისა. ამ ღონისძიებამ სტუდენტებს გააცნო ინოვაციები და ახალი მიდგომები.
ღონისძიება გაიხსნა დავით ტვილდიანის სამედიცინო უნივერსიტეტის დეკანის - ნინო ბრეგვაძე-თაბაგარის, კავკასიის მედიცინის ცენტრის დირექტორის - სოფიო ასპანიძისა და სტუდენტთა და ახალგაზრდა მეცნიერთა სამეცნიერო ასოციაციის (SYSSA) პრეზიდენტის - თინათინ კუჭუხიძის მიერ.
კონფერენცია განაგრძო დავით ტვილდიანის სამედიცინო უნივერსიტეტის ვიცე დეკანმა - პაატა ცაგარეიშვილმა, რომელმაც განიხილა სამეცნიერო კვლევის საკითხები.
მთავარმა მომხსენებელმა - ექიმმა გიორგი პაპიაშვილმა, ისაუბრა Cardiac pacing- ის ისტორიაზე.
კონფერენციის მომხსენებლებს წარმოადგენდნენ სტუდენტები სამედიცინო სფეროდან, რომლთაც წარადგინეს თემები კარდიო ვასკულარული დაავადებების შესახებ.
დასასრულს, გაიმართა დავით ტვილდიანის სამედიცინო უნივერსიტეტის ინტერესთა ჯგუფის SIGN-ს (Student Interest Group of Neurology) და მიკრობიოლოგიის ვორქშოფი, სადაც კონფერენციის მონაწილეებმა სამეცნიერო და კლინიკური გამოკვლევის პრაქტიკებზე იმუშავეს.
სამეცნიერო სესიის შემდგომ სერტიფიკატებით დაჯილდოვდნენ კონფერენციის მონაწილეები და SYSSA-ს საორგანიზაციო კომიტეტის წევრები.
